Արագ վարկեր
Սպառողական
Հիփոթեք
Ավտովարկ
Կառուցման
Վերանորոգման
Գյուղատնտեսական
Ուսման
Դեբետային
Կրեդիտային
Ուսման վարկ
Ի՞նչ է ուսման վարկը
Ուսման վարկերի հիմնական իմաստն այն է, որ սովորեք, հետո աշխատեք ու փակեք սովորելու համար վերցրած վարկը։ Չնայած սրան՝ ընտանիքի անդամները նույնպես կարող են վերցնել վարկը Ձեզ համար։
Ուշադրություն դարձրեք, որ հիմնական անունը հենց ուսմա՛ն վարկ է, ոչ թե ուսանողական։ Ուսանողական վարկերը միայն մի մասն են, որովհետև ուսման վարկով կարելի է սովորել նաև բուհերից դուրս՝ բազմազան ուսումնական կենտրոններում։
Բանկերի կողմից տրամադրված ուսման վարկեր
Ամեն դեպքում, ավելի շատ այս վարկատեսակից օգտվում են բուհերի ուսանողները։ Պատճառն այն է, որ հենց բուհերում սովորողների համար ուսանողական վարկերի պետական ծրագիր կա՝ արտոնյալ պայմաններով։
Բայց որպեսզի գումարը չվերցնեք այլ նպատակով, բանկերը այն փոխանցում են միանգամից ուսումնական հաստատություններին։ Ավելին, վարկը վերցնելիս պետք է տեղեկանք ներկայացնեք, թե որքան է ուսման վարձը։ Եվ բանկը հենց այդքան էլ փոխանցում է անելու։
Տոկոսներ և տարիներ
Եթե վարկը պետական սուբիսիդավորվող ծրագրով չէ, ապա բանկն իր միջոցներով է տալիս այն։ Այդ դեպքում տոկոսադրույքները շատ ավելի բարձր են՝ 16-24 տոկոս։ Գրեթե սպառողականի չափ։
Գումարն էլ միանգամից չի փոխանցվում։ Ամեն տարի փոխանցվում է այդ տարվա ուսման վարձը։ Այսինքն առաջին տարվա ընթացքում ունենալու եք վարկի միայն մի մասը։ Ու բանկերը համապատասխանաբար սահմանաչափեր են դնում, թե ամեն ուսումնական տարվա համար որքան գումար կարող եք ստանալ վարձը վճարելու համար։
Օրինակ։ Կարող է պատահել դեպք, երբ վարկի ընդհանուր գումարը 3,2 դրամ է։ Եթե բակալավրում եք սովորում, գումարը կբաժանվի 4 մասերի․ ամեն տարվա համար՝ 800 հազար դրամ։ Եվ դրանից ավելի չեք կարող ստանալ այդ տարվա համար։
Այս գումարով, օրինակ, չեք կարող լրիվ փակել ԵՊՀ-ում Իրավագիտություն մասնագիտությամբ բակալավրիատի վարձը, որ 1 մլն դրամ է։ Դա ամենաբարձր վարձի չափն է առաջիկա ուսումնական տարվա համար։ Նույնքան են նաև Հայբուսակի Բուժական գործ ու Ստոմատոլոգիա մասնագիտությունների վարձերը։
Հիմա դրականի մասին։ Քանի որ առաջին տարին ստանալու եք միայն մեկ տարվա վարձի չափով վարկ, համապատասխանաբար՝ վճարելու եք միայն դրա տոկոսները։
Ավելին, բանկերի մի մասը վարկերը տրամադրում է պայմանով, որ ուսման ընթացքում կարող եք փակել միայն տոկոսները։ Իսկ ավարտելուց հետո կանցնեք հավասարաչափ մարումների՝ ներառելով նաև մայր գումարի մարումները։ Եվ դա, իհարկե, բանկերին նույնպես ձեռնտու է։ Հատկապես հենց բանկերին է ձեռնտու՝ ավելի շատ են տոկոս ստանալու ամբողջ ընթացքում։
Սուբսիդիաներ ուսման վարկերի համար
Ուսանողների հոգսը թեթևացնելու համար գործում է պետական ծրագիր, որով սուբսիդավորվում են ուսանողական վարկերի տոկոսների մի մասը։ Բայց այս ծրագրին դիմելու համար․
✅ Ուսանողը պետք է լինի ՀՀ քաղաքացի,
✅ Ուսանողը պետք է սովորի ՀՀ պետական կամ պետական հավատարմագրում ունեցող բուհերում։
Ավելին, պետական ծրագիրը սուբսիդավորում է այդ 9%-ից 2 տոկոսային կետը, իսկ գերազանցիկների դեպքում՝ 3 տոկոսային կետը։
Արդյունքում ստացվում է համապատասխանաբար 7 տոկոս և 6 տոկոս, մինչդեռ սովորական ուսումնական վարկերի տոկոսները 16-24 տոկոս են լինում։
Եթե դիմեք սուբսիդիայի այս ծրագրին, պետք է իմանաք, որ բուհից դուրս մնալու դեպքում զրկվելու եք արտոնյալ հնարավորություններից։
Դասից թռնելիս մտածեք այս մասին ;)
Այս վարկը տրվում է միայն ուսանողների ծնողների կամ խնամակալների երաշխավորությամբ: Այնպես որ հարազատները հաստատ կիմանան, եթե խնդիր ունենաք։
Միայն այս տարի 170 մլն դրամ է տրամադրվել պետական ծրագրով ուսանողական վարկերի տոկոսների սուբսիդավորմանը։
Բայց նաև պետք է հաշվի առնել, որ բոլոր բանկերը չեն, որ աշխատում են այս ծրագրով։ Դրան միացած բանկերի ցանկը (նաև այլ մանրամասներ) կարող եք տեսնել այստեղ։ Ամեն դեպքում, բանկերին դիմելիս առաջին հերթին հասկացեք՝ արդյո՞ք այս ծրագրով են Ձեզ առաջարկում վարկը։ Թե չէ շատ ավելի բարձր տոկոսով եք վարկ ստանալու։
Եկամտահարկի վերադարձ
Աշխատող ուսանողները ուսման վարկի տոկոսները կարող են փակել եկամտահարկի վերադարձի միջոցով։ Այնպես, ինչպես հիպոտեկային վարկի դեպքում է։
Ինչպես և հիպոտեկի դեպքում, այստեղ էլ ուսանողը նախ ինքն է վճարում ուսման վարձը։ Միայն լիարժեք վճարումից հետո դիմում է ներկայացնում բուհին՝ եկամտահարկի վերադարձ ստանալու համար։
Եկամտահարկի վերադարձի դիմումներ պետք է ներկայացնել տարին երկու անգամ՝ համապատասխան երկու կիսամյակների ավարտին բոլոր քննությունները բարեհաջող հանձնելուց հետո․
սեպտեմբերի 1-15-ին,
մարտի 1-15-ին։
Եկամտահարկի վերադարձի կարգավորումը նույնպես գործում է միայն բուհերի դեպքում։ Այլ ուսումնական կենտրոնները հաշիվ չեն։ Ի տարբերություն վարկ վերցնելու, այս դեպքում ուսանողի ծնողների կամ այլ հարազատների եկամտահարկը չի կարող վերադարձվել։
Այս ծրագրի համար էլ ուսանողը պետք է լինի ՀՀ քաղաքացի, իսկ բուհը լինի պետական կամ լիցենզավորված՝ կոնկրետ մասնագիտության գծով։ Կառավարության այս որոշման մեջ էլ կարելի է տեսնել այն մասնագիտությունները, որոնք սովորելու դեպքում կարող եք դիմել եկամտահարկի վերադարձի համար։
Որպեսզի պահը բաց չթողնեք, Պետեկամուտների կոմիտեն էլ այդ շրջանում հիշեցումներ է անում՝ հետագայում թղթաբանությունից խուսափելու համար։
տրվող հարցեր
🧑🎓 Ե՛վ բուհերում սովորելիս, և՛ այլ կրթական հաստատություններով սովորելիս կարող եք վերցնել։ Բայց բուհերում սովորողների համար կան արտոնություններ՝ ցածր տոկոսադրույքների ձևով։
👩👧👧 Այո, կարող են, բայց կախված նրանից՝ թե ինչ եք ուզում։ Եթե ուզում եք եկամտահարկի վերադարձից օգտվել, ապա ծնողների անունով մի վերցրեք վարկը։ Եթե պետական սուբսիդիային եք դիմելու, ծնողները կարող են երաշխավոր լինել։
💸 Ուսանողական վարկի տոկոսագումարների դիմաց եկամտահարկի վերադարձ կարող եք ստանալ կոնկրետ բուհերում և կոնկրետ մասնագիտությունների դեպքում։ Դրա համար հենց բուհ եք դիմում ներկայացնելու, տարին երկու անգամ։ Համապատասխան բուհերի և մասնագիտությունների ցանկը՝ այստեղ։
🎓 Եթե պետական ծրագրով արտոնյալ, սուբսիդավորվող վարկ եք վերցրել, ապա այն կվերափոխվի, և արտոնությունը դուրս կգա։ Արդյունքում ստիպված կլինեք շատ ավելի բարձր տոկոսներ վճարել։
🪖 Զինծառայության մեկնելու համար ուսումնառության կիսատ թողնելը խախտում չի համարվում, և այդ դեպքում արտոնյալ վարկը չի վերափոխվի։ Ամեն դեպքում, կարող եք խորհրդակցել բանկի հետ՝ զինծառայության ընթացքում վարկի գործողության վերաբերյալ։
