Ֆայկո Սքոր

Բանկերը և ՈւՎԿ-ները հաճախորդի վարկարժանությունը գնահատում են վարկային պատմության կամ Ֆայկո Սքորի հաշվարկով։ Ինչպես վարկային պատմության, այնպես էլ Ֆայկո Սքորի հաշվարկում երևում են ձեր նախկին վարկային գործարքների ցուցանիշները:

Ֆայկո Սքորը հաշվարկում է ԱՔՌԱ վարկային բյուրոն (չշփոթել ArCa-ի հետ), որը ԿԲ-ի կողմից լիցենզավորված կառույց է։

Ֆինկազմակերպությունները հաճախորդների վարկային տվյալները փոխանցում են ԱՔՌԱ, որոնց հիման վրա վերջինը հաշվարկում է սքորը:

Ֆայկո Սքորը՝ հաճախորդի վարկային գնահատականը, տատանվում է 300-850 միջակայքում։ Ձեր վարկային գանահատականին կարող եք ծանոթանալ acra.am կայքում` 15-30 րոպեի ընթացքում։

Վարկային գնահատականը հաշվարկվում է հետևյալ ցուցանիշների հիման վրա՝

🔵 վճարումների պատմություն՝ 35%
🟢 վարկային ծանրաբեռնվածություն՝ 30%
🟣 վարկային պատմության տևողություն՝ 15%
🟡 նախկինում օգտագործված վարկերի տեսակներ՝ 10%
🟠 նոր վարկային դիմումներ՝ 10%

Վարկի դիմումի մերժումը ուղղակիորեն կապված է ցածր Ֆայկո Սքորի հետ։
Դրա բարձրացման համար անհրաժեշտ է՝

✅ Մարել նախկինում ունեցած վարկային բոլոր պարտավորությունները
✅ Ժամանակին մարել ընթացիկ վարկերի ամենամսյա վճարումները
✅ Հնարավորինս նվազեցնել այլ անձանց համար տրված երաշխավորությունները

Եթե ձեր վարկային հայտը մերժվել է, նշանակում է՝ Ֆայկո Սքորը ցածր է, հետևաբար բանկը նպատակահրամար չի գտել վարկ տրամադրել:

Եկեք հասկանանք թէ ի՞նչն է նվազեցնում Ֆայկո Սքորը․

❌ ամսական մարումների ուշացումները
❌ բարձր վարկային ծանրաբեռնվածությունը (եթե առկա վարկային մարումների ընդհանուր գումարը ձեր եկամտի 30-50%-ից ավելի է)
❌ կարճ ժամանակահատվածում բազմաթիվ վարկային դիմումները
❌ այլ անձնաց համար տրված երաշխավորությունները, եթե տվյալ անձը ժամանակին չի կատարում մարումները